home

എതിരില്ലാതെ എല്‍ഡിഎഫ്‌; മലപ്പട്ടം പഞ്ചായത്തില്‍ 5 വാര്‍ഡുകളില്‍, ആന്തൂരില്‍ 6 വാര്‍ഡില്‍ ജയം



ശ്രീകണ്ഠപുരം > മലപ്പട്ടം പഞ്ചായത്തിലെ അഞ്ച് വാര്‍ഡുകളില്‍ എല്‍ഡിഎഫിന് എതിരില്ല. മൂന്ന്, അഞ്ച്, എട്ട്, ഒമ്ബത്, 11 വാര്‍ഡുകളാണ് പത്രിക സമര്‍പ്പണം പൂര്‍ത്തിയാകുന്നതോടെ തന്നെ എല്‍ഡിഎഫ് സ്വന്തമാക്കിയത്.

മൂന്നാം വാര്‍ഡ് അഡുവാപ്പുറം നോര്‍ത്തില്‍ ടി സി സുഭാഷിണി, അഞ്ചാം വാര്‍ഡ് കരിമ്ബീല്‍ കെ വി മിനി, എട്ടാം വാര്‍ഡ് മലപ്പട്ടം ഈസ്റ്റില്‍ കെ പി രമണി, ഒമ്ബതാം വാര്‍ഡ് മലപ്പട്ടം വെസ്റ്റില്‍ ടി കെ സുജാത, പതിനൊന്നാം വാര്‍ഡ് കൊവുന്തലയില്‍ കെ സജിത എന്നിവരാണ് എതിരില്ലാതെ തെരഞ്ഞെടുക്കപ്പെട്ടത്.

2005ല്‍ പഞ്ചായത്തിലെ മുഴുവന്‍ വാര്‍ഡുകളിലും എല്‍ഡിഎഫ് സ്ഥാനാര്‍ഥികള്‍ എതിരില്ലാതെ തെരഞ്ഞെടുക്കപ്പെട്ടത് ദേശീയ ശ്രദ്ധ നേടി.

കണ്ണൂര് > ആന്തൂര് നഗരസഭയിലെ ആറു വാര്ഡുകളില് എല്ഡിഎഫിന് എതിരില്ല. രണ്ട്, മൂന്ന്, 10, 11, 16, 24 വാര്ഡുകളാണ് പത്രിക സമര്പ്പണം പൂര്ത്തിയാകുന്നതോടെ തന്നെ എല്ഡിഎഫ് സ്വന്തമാക്കിയത്. എല്ഡിഎഫ് സ്ഥനാര്ഥികളും ഡമ്മി സ്ഥാനാര്ഥികളും മാത്രമാണ് ഈ വാര്ഡുകളില് പത്രിക സമര്പ്പിച്ചത്. യുഡിഎഫിനും ബിജെപിക്കും മരുന്നിനുപോലും ഒരാളെ സ്ഥാനാര്ഥിയായി കണ്ടെത്താനായില്ല.

2015ല് നഗരസഭയിലേക്കുള്ള ആദ്യ തെരഞ്ഞെടുപ്പില് ആകെയുള്ള 28 സീറ്റില് 14ലും എല്ഡിഎഫ് സ്ഥാനാര്ഥികള് എതിരില്ലാതെ തെരഞ്ഞെടുക്കപ്പെട്ടിരുന്നു. അവശേഷിച്ച 14 സീറ്റിലും മുന്നണി സ്ഥാനാര്ഥികള് തന്നെ തെരഞ്ഞെടുക്കപ്പെട്ടു. ഇതോടെ സംസ്ഥാനത്ത് പ്രതിപക്ഷമില്ലാത്ത ആദ്യ നഗരസഭയെന്ന ഖ്യാതിയും ആന്തൂരിന് സ്വന്തമായി