കൊറോണ മാത്രമായി ബുദ്ധിമുട്ടണ്ട-പെട്രോൾ, ഡീസൽ തീരുവ ലിറ്ററിന് മൂന്ന് രൂപ കൂട്ടി – Sreekandapuram Online News-
Sat. Sep 26th, 2020




പെട്രോള്‍, ഡീസല്‍ തീരുവ ലീറ്ററിന് മൂന്നു രൂപ വീതം കൂട്ടി കേന്ദ്രസര്‍ക്കാര്‍. റോഡ് നികുതി ഒന്‍പതു രൂപയില്‍ നിന്നു പത്തു രൂപയായും അഡീഷനൽ എക്സൈസ് തീരുവ പെട്രോളിന് എട്ടിൽ നിന്ന് 10 രൂപയായും ഡീസലിനു രണ്ടു രൂപയിൽ നിന്ന് നാലു രൂപയായും കൂട്ടി. ഇതോടെ ലിറ്ററിന് മൂന്നു രൂപ വീതം നികുതി വർധിക്കും. ഇതോടെ ഒരു ലിറ്റര്‍ പെട്രോളിനുള്ള കേന്ദ്ര നികുതി 22 രൂപ 98 പൈസയായി.

സംസ്ഥാന നികുതി 16.22 രൂപയാണ്. ഒരു ലിറ്റര്‍ പെട്രോളിന്റെ വിലയില്‍ പകുതിയിലേറെ ഇതോടെ കേന്ദ്രസംസ്ഥാന നികുതിയായി മാറി. വെള്ളിയാഴ്ച അർധ രാത്രിമുതൽ തീരുവ പ്രാബല്യത്തിൽ വന്നു. രണ്ടു പ്രത്യേക ഉത്തരവുകളിലൂടെയാണ് തീരുവ ഉയർത്തിയത്.

സാമ്പത്തിക പ്രതിസന്ധിയുണ്ടെങ്കിലും ഇപ്പോഴത്തെ പ്രത്യേക സാഹചര്യത്തിൽ തീരുവ ഉയർത്തില്ലെന്നായിരുന്നു റിപ്പോർട്ടുകൾ. കഴിഞ്ഞ വർഷം പെട്രോളിന്റെയും ഡീസലിന്റെയും എക്സൈസ് തീരുവയിലും സെസ്സിലും ഒരു രൂപ വർധന വരുത്തിയിരുന്നു. അതേസമയം, അന്താരാഷ്ട്ര വിപണിയിൽ‌ ക്രൂഡോയിൽ വില 1991ലെ ഗൾഫ് യുദ്ധകാലത്തേതിനെക്കാൾ താഴ്ന്ന നിലയിലാണ്.




By onemaly