home

ശാസ്താംകോട്ട പാകിസ്ഥാന്‍ മുക്കില്‍ വാടകയ്ക്ക് താമസിച്ചുവരുന്ന 12 വയസുകാരിയെ ലൈംഗിക പീഡനത്തിന് വിധേയയാക്കിയ കേസിലെ പ്രതിയാണ് പിടിയിലായത്.

കൊല്ലം:ശാസ്താംകോട്ട പാകിസ്ഥാന്‍ മുക്കില്‍ വാടകയ്ക്ക് താമസിച്ചുവരുന്ന 12 വയസുകാരിയെ ലൈംഗിക പീഡനത്തിന് വിധേയയാക്കിയ കേസിലെ പ്രതിയാണ് പിടിയിലായത്. പീഡനത്തിനിരയായ പെണ്‍കുട്ടിക്കോ വീട്ടുകാര്‍ക്കോ തിരിച്ചറിയാനാവാത്ത പ്രതിയെ ശാസ്താംകോട്ട പോലീസിന്‍്റെ മികച്ച അന്വേഷണത്തിലൂടെ കടമ്ബനാട്, തുവയൂര്‍, പാലപ്പള്ളില്‍ വീട്ടില്‍ കുട്ടപ്പന്‍ മകന്‍ 38 വയസുള്ള ഹരിശ്ചന്ദ്രനെ പിടികൂടിയത് വാടകക്ക് താമസിക്കാനായി എത്തിയ പെണ്‍കുട്ടിയുടെയും കുടുംബത്തിന്റെയും വീട്ടുസാധന സാമഗ്രികള്‍ ഇറക്കുന്നതിന് സഹായിയായി എത്തിയ പ്രതി വീട്ടിലെ സാഹചര്യങ്ങള്‍ മനസിലാക്കി. രാത്രി 1 മണിയോടുകൂടി എത്തി ജനലിലൂടെ കൈയെത്തി വാതില്‍ തുറന്ന ശേഷം വീട്ടിനകത്ത് കടന്ന് കയറി പെണ്‍കുട്ടിയെ ഉപദ്രവിക്കുകയായിരുന്നു.രാത്രി ആയതിനാല്‍ പെണ്‍കുട്ടിക്ക് ആളെ തിരിച്ചറിയാന്‍ കഴിഞ്ഞിരുന്നില്ല. വായ പൊത്തിപ്പിടിച്ചായിരുന്നു കുട്ടിയെ ഉപദ്രവിച്ചത്. ഇടയ്ക്ക് കുട്ടി നിലവിളച്ചപ്പോള്‍ പുറത്തേക്ക് ഇറങ്ങി ഓടുകയായിരുന്നു. മഴ പെയ്ത് ചെളിയുണ്ടായിരുന്ന മുറ്റത്ത് പതിഞ്ഞിരുന്ന പ്രതിയുടെ കാല്‍ പാടുകള്‍ വിലയിരുത്തിയാണ് പോലീസ് പ്രതിയിലേക്ക് എത്തിയത്.

പ്രതിയുടെ കാല്‍പാദത്തിന്റെ സവിശേഷതകള്‍ പ്രതിയെ കണ്ടെത്തുന്നതിന് പോലീസിന് സഹായകമായി. പെരുവിരലിനും രണ്ടാമത്തെ വിരലിനുമിടയില്‍ സാധാരണയില്‍ക്കൂടുതല്‍ അകലമുണ്ട്. ഉപ്പൂറ്റി തറയില്‍ തൊടാതെ വിരലുകള്‍ ഊന്നിയാണ് പ്രതി ഓടിയത്. സംശയം തോന്നി പിടികൂടിയ പ്രതിയെ സ്ഥലത്തെത്തിച്ച്‌ കാല്‍പ്പാടുമായി വിരലുകള്‍ ഒത്തു നോക്കി കൃത്യം നടത്തിയത് ഹരിചശ്ചന്ദ്രന്‍ തന്നെയെന്ന് ഉറപ്പിക്കുകയായിരുന്നു. ശാസ്താംകോട്ട എസ്.ഐ. അനീഷ്, എ.എസ്.ഐ ഷാജഹാന്‍, കെ.എ.പി സേനാംഗം നന്ദകുമാര്‍ ലഹരിവിരുദ്ധ സ്കോഡ് എസ്.ഐ.രഞ്ചു, ആഷിര്‍കോഹൂര്‍, സജിജോണ്‍, അനില്‍കുമാര്‍ എന്നിവരുടെ നേതൃത്വത്തില്‍, പ്രതി ഒളിവില്‍ താമസിച്ച്‌കൊണ്ടിരുന്ന മാറനാട് മലയില്‍ നിന്ന് കഴിഞ്ഞ പതിനെട്ടിന് രാത്രി 1മണിക്ക് പിടികൂടുകയായിരുന്നു.