home

മാതാവിനെ ഉപദ്രവിച്ച പിതാവിനെ മകള്‍ അടിച്ചു കൊന്നു.

ഭോപാല്‍: മാതാവിനെ ഉപദ്രവിച്ച പിതാവിനെ മകള്‍ അടിച്ചു കൊന്നു. മധ്യപ്രദേശിലെ ഭോപാലിലാണ് സംഭവം. കള്ളുകുടിച്ചു വന്ന് ഭാര്യയെ ഉപദ്രവിക്കുക ഇയാ ളുടെ പതിവായിരുന്നു. ഒടുവില്‍ സഹികെട്ട് 16കാരിയായ മകള്‍ വസ്ത്രങ്ങള്‍ അലക്കാനുപയോഗിച്ചിരുന്ന ബാറ്റെടുത്ത് പിതാവിനെ അടിച്ചു കൊല്ലുകയായിരുന്നു. അതിനു ശേഷം 100 നമ്ബര്‍ ഡയല്‍ ചെയ്ത് പൊലിസില്‍ കീഴടങ്ങുകയും ചെയ്തു പെണ്‍കുട്ടി.
തൊഴിലൊന്നുമില്ലാത്ത പിതാവ് മൂത്തമകന്റെ ചെലവിലാണ് കഴിയുന്നത്. ബുധനാഴ്ച വൈകുന്നേരം മകന്റെ വിവാഹത്തെ കുറിച്ച്‌ കുടുംബം ചര്‍ച്ച നടത്തുന്നതിനിടെ ഇയാള്‍ വഴക്കുണ്ടാക്കുകയും ഭാര്യയെ ഉപദ്രവിക്കുകയുമായിരുന്നു.
സംഭവത്തില്‍ പൊലിസ് കേസെടുത്തു.പെണ്‍കുട്ടിയെ ജുവനൈല്‍ ഹോമിലയച്ചതായി പൊലിസ് പറഞ്ഞു.