രണ്ടു പേര്‍ വിദേശത്ത് നിന്നും എട്ടു പേര്‍ ഇതര സംസ്ഥാനങ്ങളില്‍ നിന്നും എത്തിയവരാണ്. ഒരാള്‍ക്ക് സമ്പര്‍ക്കത്തിലൂടെയാണ് രോഗം പകര്‍ന്നത്. കോവിഡ് ബാധിച്ച് വിവിധ ആശുപത്രികളില്‍ ചികില്‍സയിലായിരുന്ന 13 പേര്‍ ഇന്നലെ രോഗം ഭേദമായി ആശുപത്രി വിട്ടു.

നെടുമ്പാശ്ശേരി വിമാനത്താവളം വഴി ജൂണ്‍ 18ന് കുവൈറ്റില്‍ നിന്നുള്ള കെയു 1351 വിമാനത്തിലെത്തിയ ഉളിക്കല്‍ സ്വദേശി 31കാരനും കരിപ്പൂര്‍ വിമാനത്താവളം വഴി ജൂണ്‍ 23ന് മസ്‌ക്കറ്റില്‍ നിന്നുള്ള ഒവി-1432 വിമാനത്തിലെത്തിയ രാമന്തളി സ്വദേശി 44കാരനുമാണ് വിദേശത്തു നിന്നെത്തിയ രണ്ടു പേര്‍.

കണ്ണൂര്‍ വിമാനത്താവളം വഴി ജൂണ്‍ ഏഴിന് ഡല്‍ഹിയില്‍ നിന്നുള്ള എഐ 425 വിമാനത്തിലെത്തിയ കൊളച്ചേരി സ്വദേശികളായ 30കാരന്‍, 60കാരി, ജൂണ്‍ ഒന്‍പതിന് റോഡ് മാര്‍ഗം കണ്ണൂരിലെത്തിയ മംഗലാപുരം സ്വദേശിയായ സിഐഎസ്എഫ് ഉദ്യോഗസ്ഥന്‍ 31കാരന്‍, ജൂണ്‍ 10ന് മംഗള എക്‌സ്പ്രസില്‍ കണ്ണൂര്‍ റെയില്‍വേ സ്‌റ്റേഷനിലെത്തിയ ഡല്‍ഹി സ്വദേശി കണ്ണൂര്‍ ഡിഎസ്‌സി സെന്ററിലെ 55കാരന്‍, ജൂണ്‍ 12ന് ബെംഗളൂരുവില്‍ നിന്ന് 6ഇ 7974 വിമാനത്തില്‍ കണ്ണൂരിലെത്തിയ കൂത്തുപറമ്പ് സ്വദേശി 27കാരി, ജൂണ്‍ 22ന് ബെംഗളൂരുവില്‍ നിന്നെത്തിയ കണ്ണൂര്‍ സ്വദേശികളായ 46കാരന്‍, 19കാരന്‍, 30കാരന്‍ എന്നിവരാണ് ഇതര സംസ്ഥാനങ്ങളില്‍ നിന്നെത്തിയവര്‍. എരഞ്ഞോളി സ്വദേശി 26കാരനാണ് സമ്പര്‍ക്കം വഴി രോഗബാധ ഉണ്ടായത്.

ഇതോടെ ജില്ലയില്‍ കോവിഡ് ബാധിതരുടെ എണ്ണം 405 ആയി. ഇവരില്‍ 264 പേര്‍ രോഗം ഭേദമായി ആശുപത്രി വിട്ടു. അഞ്ചരക്കണ്ടി കോവിഡ് ആശുപത്രിയില്‍ ചികിത്സയിലായിരുന്ന കോട്ടയം മലബാര്‍ സ്വദേശികളായ 39കാരന്‍, 10 വയസ്സുകാരന്‍, ആലക്കോട് സ്വദേശികളായ 27കാരന്‍, 40കാരന്‍, ആന്തൂര്‍ സ്വദേശികളായ 30കാരന്‍, 10 വയസ്സുകാരി, തലശ്ശേരി സ്വദേശി 21കാരന്‍, മുണ്ടേരി സ്വദേശികളായ 57കാരന്‍, 20കാരന്‍, ചപ്പാരപ്പടവ് സ്വദേശി 29കാരന്‍, പയ്യന്നൂര്‍ സ്വദേശി 58കാരന്‍, ചൊവ്വ സ്വദേശി 55കാരി, കണ്ണൂര്‍ ഗവ. മെഡിക്കല്‍ കോളേജില്‍ ചികില്‍സയിലവായിരുന്ന തളിപ്പറമ്പ് സ്വദേശി 65കാരന്‍ എന്നിവരാണ് ഇന്നലെ രോഗം ഭേദമായി വീടുകളിലേക്ക് മടങ്ങിയത്.

നിലവില്‍ ജില്ലയില്‍ നിരീക്ഷണത്തിലുള്ളത് 19928 പേരാണ്. ഇവരില്‍ കണ്ണൂര്‍ ഗവ. മെഡിക്കല്‍ കോളേജ് ആശുപത്രിയില്‍ 75പേരും കണ്ണൂര്‍ ജില്ലാശുപത്രിയില്‍ 25 പേരും അഞ്ചരക്കണ്ടി കോവിഡ് ട്രീറ്റ്മെന്റ് സെന്ററില്‍ 154 പേരും തലശ്ശേരി ജനറല്‍ ആശുപത്രിയില്‍ 16 പേരും വീടുകളില്‍ 19658 പേരുമാണ് നിരീക്ഷണത്തിലുള്ളത്.
ജില്ലയില്‍ നിന്ന് ഇതുവരെ 13680 സാംപിളുകള്‍ പരിശോധനയ്ക്ക് അയച്ചതില്‍ 12690 എണ്ണത്തിന്റെ ഫലം വന്നു. ഇതില്‍ 11937 എണ്ണം നെഗറ്റീവാണ്. 990 എണ്ണത്തിന്റെ ഫലം ലഭിക്കാനുണ്ട്.

നാലു വാര്‍ഡുകള്‍ കൂടി കണ്ടെയിന്‍മെന്റ് സോണില്‍
വിദേശത്ത് നിന്നും അന്യസംസ്ഥാനങ്ങളില്‍ നിന്നുമെത്തിയവരില്‍ പുതുതായി രോഗബാധ റിപ്പോര്‍ട്ട് ചെയ്യപ്പെട്ടതിനെ തുടര്‍ന്ന് ജില്ലയിലെ നാലു തദ്ദേശ സ്ഥാപന വാര്‍ഡുകള്‍ കൂടി കണ്ടെയിന്‍മെന്റ് സോണുകളായി ജില്ലാ കലക്ടര്‍ പ്രഖ്യാപിച്ചു. കണ്ണൂര്‍ കോര്‍പറേഷനിലെ 31, 42 ഡിവിഷനുകള്‍, കൂത്തുപറമ്പ് മുനിസിപ്പാലിറ്റിയിലെ 22-ാം വാര്‍ഡ്, ഉളിക്കല്‍ പഞ്ചായത്തിലെ 19-ാം വാര്‍ഡ് എന്നിവയാണ് പുതുതായി കണ്ടെയിന്‍മെന്റ് സോണില്‍ ഉള്‍പ്പെടുത്തിയത്. നേരത്തേ കണ്ടെയിന്‍മെന്റ് സോണില്‍ ഉള്‍പ്പെട്ടിരുന്ന മുണ്ടേരി പഞ്ചായത്തിലെ എട്ടാം വാര്‍ഡ് പട്ടികയില്‍ നിന്ന് ഒഴിവാക്കി.