ശ്രീകണ്ഠപുരം: രാജ്യം ലോക്ക് ഡൗണായതോടെ ബ്രേക്ക് ഡൗൺ ആയത് വളയം പിടിക്കുന്ന കൈകളും ഒപ്പം കുടുംബവും. ബഹുഭൂരിപക്ഷം വരുന്ന മോട്ടോർ തൊഴിലാളി വിഭാഗം ഇന്ന് കടുത്ത പ്രതിസന്ധിയിലാണ്. സഞ്ചാര മേഖല നിശ്ചലമായതോടെ നിരവധി കുടുംബങ്ങളും വരുമാനമില്ലാതെ നട്ടം തിരിയുന്നു.ലോക്ക് ഡൗൺ ഇളവിൽ ഓട്ടോകളും, ടാക്സികളും സ്റ്റാന്റുകളിൽ കാഴ്ചവസ്തുവായി മാറി.

‘ദുരിതക്കയത്തിൽ “ഉലക്ക മദ്ദളത്തോട്…… പരാതി പറയും പോലെ “‘ സ്റ്റാന്റുകളിൽ ഡ്രൈവർമാർ പരസ്പരം മുറുമുറുക്കുന്നു.. കാരണം,യാത്രക്കാരില്ല…ബസ്സ് തൊഴിലാളികൾ, കടുത്ത പ്രതിസന്ധിയിൽ….. അതിനിടയിലാണ് ശ്രീകണ്ഠപുരം ടൗണിലെ മോട്ടോർ തൊഴിലാളികൾക്ക് ആശ്വാസമായി ടൗൺ കൗൺസിലറും, നഗരസഭാ ആരോഗ്യ വിഭാഗം സ്റ്റാന്റിംഗ് കമ്മറ്റി ചെയർമാനുമായ ശ്രീ. AP. മുനീറിന്റെ നേത്യത്വത്തിൽ ടൗൺ അനുബന്ധമോട്ടോർ തൊഴിലാളികൾക്ക്, ശ്രീകണ്ഠപുരത്തെ പത്തോളം വ്യാപാര സ്ഥാപനങ്ങളുടെ സഹകരണത്തോടെ ഭക്ഷ്യധാന്യ കിറ്റ് വിതരണം നടത്തിയത്.

ശ്രീകണ്ഠപുരം ടൗൺഓട്ടോ തൊഴിലാളികൾ, ഓട്ടോടാക്സി, ഗുഡ്സ്,ജീപ്പ്, ടൂറിസ്റ്റ് ടാക്സി,
ബസ്സ് തൊഴിലാളികൾ, തുടങ്ങി തികച്ചും സാധാരണക്കാരായ 50 ഓളം ടൗൺ അനുബന്ധ മോട്ടോർ ‘തൊഴിലാളി കുടുംബങ്ങളിൽ അർഹരായവർക്ക്
ഈ ജനപ്രതിനിധിയുടെ ഇടപെടലിൽ സൗജന്യ ഭക്ഷ്യധാന്യ കിറ്റ് എത്തിച്ച് നൽകിയത്.