Thu. Oct 1st, 2020




പൊന്നാനി: ( 08.05.2020) രോഗിയായ ഭര്‍ത്താവിനെ പരിചരിക്കാനെന്ന് പറഞ്ഞ് പൊലീസിനെ കമ്ബളിപ്പിച്ച്‌ കണ്ണൂരിലേക്കുള്ള യാത്രാപാസ് ഒപ്പിച്ചു യുവതി. പിന്നാലെ യുവതിയെ കാണാനില്ലെന്ന് പറഞ്ഞ് വീട്ടുകാര്‍ പൊലീസില്‍ പരാതി നല്‍കിയപ്പോഴാണ് യുവതിയുടെ തട്ടിപ്പും പൊളിഞ്ഞുവീണത്. വെളിയങ്കോട് സ്വദേശിയായ യുവതിയാണ് കാമുകന്റെ കൂടെ ഒളിച്ചോടാന്‍ പൊലീസിനെ കബളിപ്പിച്ച്‌ യാത്രാപാസ് ഒപ്പിച്ചത്. വര്‍ഷങ്ങള്‍ക്ക് മുമ്ബേ വിവാഹമോചിതയായ യുവതിയാണ് ഇല്ലാത്ത ഭര്‍ത്താവിന്റെ പേരു പറഞ്ഞ് യാത്രാ പാസ് സംഘടിപ്പിച്ചത്.

സംഭവമറിഞ്ഞതോടെ പൊന്നാനി സിഐ പി എസ് മഞ്ജിത്ത് ലാലും സംഘവും ഉടന്‍ തന്നെ യുവതിയെയും കാമുകനെയും പിടികൂടി. കണ്ണൂരില്‍ ബിസിനസ് ചെയ്യുന്ന യുവാവുമായി യുവതിക്ക് ഫോണിലൂടെ അടുക്കുകയും ഒളിച്ചോടാന്‍ പദ്ധതിയിടുകയും ചെയ്തു. എന്നാല്‍ ലോക് ഡൗണായതിനാല്‍ ഒളിച്ചോട്ടം നടക്കാതെ പോയി. ലോക് ഡൗണ്‍ വീണ്ടും നീട്ടിയപ്പോഴാണ് പൊലീസിനെ കബളിപ്പിച്ച്‌ യാത്രാപാസ് ഒപ്പിച്ചത്.

യുവതിയെ കാണാനില്ലെന്ന വീട്ടുകാരുടെ പരാതിയിലും ലോക് ഡൗണില്‍ പൊലീസിനെ തെറ്റിദ്ധരിപ്പിച്ച്‌ യാത്രാനുമതി നേടിയതിനും കേസെടുത്തിരുന്നു. അറസ്റ്റ് ചെയ്ത് ഇവരെ ജാമ്യത്തില്‍ വിട്ടയച്ചു. തുടര്‍ന്ന് രണ്ടുപേരും പിന്നീട് ബന്ധുക്കളുടെ സാന്നിധ്യത്തില്‍ വിവാഹിതരായി.




By onemaly