Tue. Jun 15th, 2021




കോട്ടയം: രാഷ്ട്രീയ പാര്‍ട്ടി എന്ന നിലയില്‍ ജനങ്ങളെ ബാധിക്കുന്ന വിഷയങ്ങളില്‍ ബി.ജെ.പിക്ക് നിലപാടുണ്ടാവണമെന്ന് ബി.ജെ.പി. നേതാവും മുന്‍ ഡി.ജി.പിയുമായിരുന്ന ജേക്കബ് തോമസ്. പാര്‍ട്ടി നിലപാടുകള്‍ പ്രവര്‍ത്തകരിലേക്കെത്തിച്ച്‌ അതിനുവേണ്ടി പ്രവര്‍ത്തിക്കാന്‍ അവരെ സജ്ജമാക്കണമെന്നും ജേക്കബ് തോമസ് പറഞ്ഞു. നിലപാട് ഇല്ലാത്തതാണ് കേരളത്തിലെ ബി.ജെ.പിയുടെ പ്രശ്നമെന്നും മാതൃഭൂമി ഡോട്കോമിന് നല്‍കിയ അഭിമുഖത്തില്‍ അദ്ദേഹം വ്യക്തമാക്കി.






ഒരു വിഷയമുണ്ടാകുമ്ബോള്‍ അവിടെ സന്ദര്‍ശിച്ച്‌ തിരിച്ച്‌ പോന്നത് കൊണ്ടോ, പ്രസ്താവന നടത്തിയത് കൊണ്ടോ അത് ബി.ജെ.പിയുടെ നിലപാട് ആവുകയില്ലെന്നും, നേതൃത്വ മാറ്റത്തിന് പകരം പാളിച്ച മനസ്സിലാക്കി അത് പരിഹരിക്കുക എന്നതാണ് യഥാര്‍ഥ പരിഹാര മാര്‍ഗമെന്നും ജേക്കബ് തോമസ് പറഞ്ഞു.

നിയമസഭയില്‍ ബി.ജെ.പിക്ക് ഒരു എം.എല്‍.എ. പോലും ഇല്ല എന്നത് വലിയ പ്രതിസന്ധിയാണെന്നും, ജനാധിപത്യ പ്രക്രിയയില്‍ ബി.ജെ.പിയുടെ നയങ്ങള്‍ പറയാന്‍ നിയമസഭയില്‍ ഒരാള്‍ പോലും ഇല്ല എന്നത് വലിയ പോരായ്മ തന്നെയാണെന്നും ജേക്കബ് തോമസ് വ്യക്തമാക്കി. ചില കാര്യങ്ങള്‍ ഇന്നു തന്നെ ചെയ്യാന്‍ തീരുമാനിച്ചാല്‍ മൂന്ന് വര്‍ഷം കൊണ്ട് ബി.ജെ.പിക്ക് കേരളത്തില്‍ സേഫ് ലാന്‍ഡ് ലഭിക്കുമെന്നും അദ്ദേഹം പറഞ്ഞു.





By onemaly