Mon. Sep 28th, 2020




ന്യൂഡല്‍ഹി: കോവിഡ്​ വ്യാപനം തടയാന്‍ പ്രഖ്യാപിച്ച ലോക്​ഡൗണിനെ തുടര്‍ന്ന്​ കഷ്​ടപ്പെടുന്ന ഇന്ത്യയിലെ ദരിദ്രവിഭാഗത്തെ സഹായിക്കാന്‍ 65000 കോടി രൂപ വേണ്ടി വരുമെന്ന്​ മുന്‍ റിസര്‍വ്​ ബാങ്ക്​ ഗവര്‍ണറും സാമ്ബത്തിക വിദഗ്​ധനുമായ രഘുറാം രാജന്‍. കോണ്‍ഗ്രസ്​ എം.പി ​ രാഹുല്‍ ഗാന്ധിയുമായി നടത്തിയ വിഡിയോ സംഭാഷണത്തില്‍ സംസാരിക്കുകയായി അദ്ദേഹം. ദരിദ്രവിഭാഗത്തെ സഹായിക്കാന്‍ എത്ര പണം വേണ്ടിവരുമെന്ന രാഹുലി​​െന്‍റ ചോദ്യത്തോട്​ പ്രതികരിക്കുകയായിരുന്നു അദ്ദേഹം.

വിഡിയോ വഴി ഇരുവരും നടത്തിയ സംഭാഷണം കോണ്‍ഗ്രസ്​ ആണ്​ പുറത്തുവിട്ടത്​. ലോക്​ഡൗണ്‍ എടുത്തുകളയല്‍ എളുപ്പമല്ല. എന്നാല്‍ ലോക്​ഡൗണ്‍ നീട്ടുന്നത്​ സമ്ബദ്​വ്യവസ്​ഥയെ കൂടുതല്‍ തകര്‍ച്ചയിലാക്കുമെന്നും രഘുറാം രാജന്‍ വ്യക്തമാക്കി. ലോക്​ഡൗണില്‍ ഇളവുനല്‍കുന്നത്​ ബുദ്ധിപൂര്‍വമായിരിക്കണം. അതിന്​ വ്യക്​തമായ പദ്ധതി തയാറാക്കണം. അധികകാലം ജനങ്ങള്‍ക്ക്​ ഭക്ഷണം നല്‍കാനുള്ള ശേഷി ഇന്ത്യക്ക്​ ഇല്ല. കോവിഡ്​ കേസുകള്‍ നിലനില്‍ക്കുന്ന സാഹചര്യത്തില്‍ വിപണി തുറക്കു​േമ്ബാള്‍ വളരെ ആലോചിച്ചുവേണമെന്നും അദ്ദേഹം മുന്നറിയിപ്പു നല്‍കി.

ഇന്ത്യയെയും യു.എസിനെയും രാഹുല്‍ എങ്ങനെയാണ്​ താരതമ്യപ്പെടുത്തുന്നതെന്ന്​ രഘുറാം ചോദിച്ചു. ഇന്ത്യയില്‍ ആഴത്തില്‍ നിലനില്‍ക്കുന്ന അസമത്വം ആണ്​ വെല്ലുവിളി എന്ന്​ രാഹുല്‍ ഗാന്ധി പറഞ്ഞു. സാമൂഹികമായി നമ്മുടെ രാജ്യത്ത്​ വളരെയധികം മാറ്റങ്ങള്‍ വരേണ്ടതുണ്ട്​. ഓരോ സംസ്​ഥാനങ്ങള്‍ക്കും വിവിധ തരം പ്രശ്​നങ്ങളാണ്​. എല്ലാ പ്രശ്​നങ്ങള്‍ക്കുമായി ഒരു പരിഹാരം സാധ്യമല്ലെന്നും വ്യത്യസ്​ത പ്രശ്​നങ്ങളെ വ്യത്യസ്​ത രൂപത്തിലാണ്​ അഭിമുഖീകരിക്കേണ്ടതെന്നും രാഹുല്‍ മറുപടി നല്‍കി.

കോവിഡ്​ തകര്‍ത്ത സമ്ബദ്​വ്യവസ്​ഥയെ കരകയറ്റുന്നതു സംബന്ധിച്ച്‌​ വിദഗ്​ദരുമായി രാഹുല്‍ ഗാന്ധി നടത്തുന്ന സംഭാഷണ പരമ്ബരയിലെ ആദ്യ വിഡിയോ സംഭാഷണമാണ്​ രഘുറാം രാജനുമായി നടത്തിയത്​. നിലവില്‍ ഷികാഗോ യൂനിവേഴ്​സിറ്റി പ്രഫസറാണ്​ രഘുറാം രാജന്‍.




By onemaly