കണ്ണൂര്‍: കണ്ണൂര്‍ ജില്ലയിലെ ശാന്തിഗിരി കോളിത്തട്ടില്‍ നാലംഗ മാവോയിസ്റ്റ് സംഘം എത്തി ഭക്ഷ്യസാധനങ്ങള്‍ ശേഖരിച്ച്‌ മടങ്ങി . കോളിത്തട്ട് സ്വദേശിയും മുന്‍ ഫോറസ്റ്റ് വാച്ചറുമായ രാജന്‍, കോളിത്തട്ട് സ്വദേശി മനോജ് എന്നിവരുടെ വീടുകളിലാണ് മാവോയിസ്റ്റ് സംഘം എത്തിയത്.
സംഘത്തില്‍ രണ്ട് പുരുഷന്‍മാരും, രണ്ട് സ്ത്രീകളും ഉണ്ടായിരുന്നു. ഇന്നലെ വൈകിട്ട് ആറിന് എത്തിയ സംഘം രാത്രി ഒമ്ബതോടെയാണ് മടങ്ങിയത്.അരിയും. പച്ചക്കറികളും, ആട്ടയും ശേഖരിച്ച സംഘം ലാപ്ടോപ്പുകളും ചാര്‍ജ് ചെയ്തു.
മുമ്ബ് പല തവണ മാവോയിസ്റ്റുകള്‍ എത്തിയിട്ടുള്ള ശാന്തിഗിരി രാമച്ചി കോളനിയുടെ 1 കിലോമീറ്റര്‍ അകലെയാണ് ഇത്തവണ എത്തിയത്.കേളകം പൊലീസ് കേസെടുത്ത് അന്വേഷണം തുടങ്ങി.
