ലോകമാകെ കോവിഡ് വ്യാപനം തടയാന്‍ സമ്ബര്‍ക്കവിലക്കുപോലുള്ള മാര്‍ഗങ്ങള്‍ അവലംബിക്കുേമ്ബാള്‍ എല്‍സാല്‍വദോര്‍ പോലുള്ള രാജ്യങ്ങള്‍ ജയിലുകളില്‍ തടവുകാരെ ക്രൂരമായി മര്‍ദ്ദിക്കുന്നതിെന്‍റ റിപ്പോര്‍ട്ടുകളാണ് പുറത്തുവരുന്നത്. ലോകത്ത് ഏറ്റവും കൂടുതല്‍ കൊലപാതകങ്ങള്‍ നടക്കുന്ന രാജ്യങ്ങളിലൊന്നാണ് എല്‍സാല്‍വദോര്‍.
ക്രിമിനല്‍ സംഘങ്ങള്‍ക്കെതിരെ പ്രസിഡന്‍റ് നായിബ് ബുക്കലെ ശക്തമായ നടപടികള്‍ പ്രഖ്യാപിച്ചതോടെ ജയിലുകളിലെയും സ്ഥിതി കഷ്ടമായി. കഴിഞ്ഞ ദിവസം ഇസാല്‍കോ ജയിലില്‍ തടവുകാര്‍ സംഘം ചേര്‍ന്നുണ്ടായ ഏറ്റുമുട്ടലില്‍ 22 പേര്‍ കൊല്ലപ്പെട്ടു. തുടര്‍ന്ന് തടവുകാര്‍ക്കെതിരെ കടുത്ത ശിക്ഷനടപടികളാണ് പ്രഖ്യാപിച്ചത്. തടവുകാരെ മുഴുവന്‍ ഒരുദിവസം കൂട്ടിയിട്ട് കെട്ടിയിട്ടു. ഗ്യാങ്ലീഡര്‍മാരെ വെടിവെക്കാനും പൊലീസിന് നിര്‍ദേശം നല്‍കി.
തടവുകാര്‍ക്കെന്ത് സമ്ബര്‍ക്കവിലക്ക്
ചിലിയിലെ സാന്‍റിയാഗോയിലെ പൂെന്‍റ അള്‍ട്ടോ ജയിലില്‍ ഇതിനകം തന്നെ 300 ലേറെ പേര്‍ക്ക് കോവിഡ് സ്ഥിരീകരിച്ചിട്ടുണ്ട്. തുടര്‍ന്ന് ജയിലിലെ 1100 തടവുകാര്‍ ഭീതിയിലാണ്. സമ്ബര്‍ക്കവിലക്കൊന്നും തിങ്ങിനിറഞ്ഞ ജയില്‍മുറികളില്‍ പ്രായോഗികമല്ലെന്ന് പ്രിസണ്‍ നഴ്സ് സിമേന ഗ്രാന്‍റിഫോ പറയുന്നു.
ലാറ്റിനമേരിക്കന്‍ രാജ്യങ്ങളിലെ വിവിധ ജയിലുകളിലായി 15 ലക്ഷം തടവുകാരാണുള്ളത്. പലതിലും കൈകള്‍ കഴുകി വൃത്തിയാക്കാന്‍ സോപ്പും വെള്ളവും പോലും നല്‍കാന്‍ സാധിക്കുന്നില്ല. ഇവിടെ തടവുകാരും ജയില്‍ ജീവനക്കാരുമടക്കം 1400 പേര്‍ക്ക് കോവിഡ് സ്ഥിരീകരിച്ചുകഴിഞ്ഞു.പെറുവിലെ 613 തടവുകാര്‍ രോഗബാധിതരാണ്. 13 പേര്‍ മരിക്കുകയും ചെയ്തു.
ഡൊമിനികന്‍ റിപ്പബ്ലിക്കിലെ ലാ വിക്ടോറിയ ജയിലില്‍ 5500 തടവുകാരില്‍ പരിശോധന നടത്തി. അതില്‍ 239 േപര്‍ കോവിഡ് പോസിറ്റീവാണ്.
പ്യൂര്‍ടോറികയില്‍ 9000 തടവുകാരാണുള്ളത്. കൊളംബിയയില്‍ 23 തടവുകാര്‍ കോവിഡ് ബാധിച്ച്‌ മരിച്ചതായി സ്ഥിരീകരിച്ചു. ബ്രസീലിലെ ജയിലുകളില്‍ നിന്ന് 1300 തടവുകാര്‍ കോവിഡിനെ പേടിച്ച്‌ രക്ഷപ്പെട്ടു.
അര്‍ജന്‍റീനയില്‍ ആയിരത്തിലേറെ തടവുകാര്‍ നിരാഹാരസമരത്തിലാണ്. മഹാമാരിയില്‍ നിന്നുള്ള സംരക്ഷണമാണ് എല്ലാവരുടെയും ആവശ്യം. കോവിഡ് പൊട്ടിപ്പുറപ്പെട്ടതുമുതല്‍ കുടുംബാംഗങ്ങളാരും തടവുകാരെ കാണാന്‍ ചെല്ലാറില്ല. പലര്‍ക്കും ആകെയുണ്ടായിരുന്ന ആശ്വാസമായിരുന്നു അത്. കോവിഡാനന്തരം തടവുകാര്‍ക്ക് ഭക്ഷണം നല്‍കുന്ന കടകളില്‍ സാധനങ്ങളുടെ വില കുതിച്ചുയര്‍ന്നു. അതോടെ ഭക്ഷണവും കിട്ടാക്കനിയായി മാറിയിരിക്കയാണ്.
മെക്സിക്കോ അടക്കമുള്ള രാജ്യങ്ങളില്‍ സോപ്പ്പൊടി പോലുള്ളവക്ക് ഇരട്ടിയിലേറെ തുകയാണ് ഇപ്പോള്‍ ഈടാക്കുന്നത്. ഹെയ്തി, ബൊളിവിയ, ഗ്വാട്ടമാല രാജ്യങ്ങളിലെ തടവുകാര്‍ ഇതിലും മോശപ്പെട്ട സാഹചര്യങ്ങളിലാണ് ജീവിക്കുന്നതെന്നാണ് ഹ്യൂമന്‍ റൈറ്റ്സ് വാച്ചിെന്‍റ നിരീക്ഷണം. അപകടകാരികളല്ലാത്ത തടവുകാരെ മോചിപ്പിച്ച്‌ ജയിലുകളിലെ എണ്ണം കുറക്കണമെന്നും ശുചീകരണപരിപാലനം കാര്യക്ഷമമാക്കണമെന്നും ചിലി മുന്‍ പ്രസിഡന്‍റും യു.എന്‍ മനുഷ്യാവകാശ ഹൈ കമ്മീഷണറുമായ മിഷേല്‍ ബച്ലറ്റ് ആവശ്യപ്പെട്ടിരുന്നു.
ചിലി, കൊളംബിയ രാജ്യങ്ങള്‍ 7500 ഓളം തടവുകാരെ കോവിഡ് പശ്ചാത്തലത്തില്‍ മോചിപ്പിച്ചിട്ടുണ്ട്. മെക്സിക്കോയില്‍ ആയിരങ്ങളെ മോചിപ്പിക്കാന്‍ സെനറ്റ് കഴിഞ്ഞാഴ്ച അംഗീകാരം നല്‍കിയിരുന്നു. എന്നാല്‍ ബ്രസീല്‍ അത്തരം നടപടികള്‍ക്കൊന്നും മുതിര്‍ന്നിട്ടില്ല. ചില രാജ്യങ്ങളിലെ ജയിലുകളില്‍ തടവുകാരോടുള്ള സമീപനത്തിലും മാറ്റംവന്നിട്ടുണ്ട്.
അര്‍ജന്‍റീനയില്‍ സമരത്തിലേര്‍പ്പെട്ട തടവുകാര്‍
ഉദാഹരണമായി അര്‍ജന്‍റീനയില്‍ 13,000 തടവുകാര്‍ക്ക് വീഡിയോ കാള്‍ വഴി കുടുംബാംഗങ്ങളുമായി സംസാരിക്കാന്‍ സൗകര്യമൊരുക്കിയിട്ടുണ്ട്. അതുപോലെ ബ്വേനസ് ഐറിസില്‍ തടവുകാര്‍ക്ക് മൊബൈല്‍ ഫോണ്‍ അനുവദിച്ചിട്ടുണ്ട്. കോവിഡിനെ പേടിച്ച്‌ ബൊളീവിയന്‍ ജയിലുകളില്‍ കഴിയുന്ന ചില തടവുകാര്‍ സ്വന്തം