ഡല്‍ഹി: യുപിഐ തട്ടിപ്പിനെതിരെ ഉപഭോക്താക്കള്‍ക്ക് മുന്നറിയിപ്പുമായി രംഗത്തെത്തിയിരിക്കുകയാണ് സ്റ്റേറ്റ് ബാങ്ക് ഓഫ് ഇന്ത്യ( എസ്ബിഐ) . തങ്ങളുടെ 44 കോടി ഉപഭോക്താക്കള്‍ക്കാണ് യുപിഐ തട്ടിപ്പിനെതിരെ ജാഗ്രത പുലര്‍ത്താന്‍ ബാങ്ക് മുന്നറിയിപ്പ് നല്‍കുന്നത്.

നിങ്ങള്‍ ചെയ്യാത്ത യുപിഐ വഴി അക്കൗണ്ടില്‍ നിന്ന് പണം ഡെബിറ്റ് ചെയ്യുന്നതിന് നിങ്ങള്‍ക്ക് ഒരു എസ്‌എംഎസ് അലേര്‍ട്ട് ലഭിക്കുകയാണെങ്കില്‍, ജാഗ്രത പാലിക്കണമെന്ന് ബാങ്ക് അറിയിച്ചു.ബാങ്ക് നല്‍കുന്ന
നിര്‍ദ്ദേശങ്ങള്‍ പാലിച്ച്‌ ജാഗ്രത പാലിക്കുക എന്ന്ട്വീറ്റിലൂടെ എസ്‌ബി‌ഐ ദശലക്ഷക്കണക്കിന് ഉപഭോക്താക്കളെ അറിയിച്ചിട്ടുണ്ട്.

നിങ്ങള്‍ യുപിഐ ഇടപാട് നടത്തിയിട്ടില്ലെങ്കില്‍ പണം ഡെബിറ്റ് ചെയ്യുന്നതിന് നിങ്ങള്‍ക്ക് ഒരു എസ്‌എംഎസ് ലഭിക്കുകയാണെങ്കില്‍ ആദ്യം യുപിഐ സേവനം നിര്‍ത്തുക. ഓണ്‍‌ലൈന്‍ തട്ടിപ്പുകളുടെ വര്‍ദ്ധിച്ചുവരുന്ന കേസ് കണക്കിലെടുത്ത്, എസ്‌ബി‌ഐ കാലാകാലങ്ങളില്‍ ഉപഭോക്താക്കള്‍ക്ക് മുന്നറിയിപ്പ് നല്‍കുന്നുണ്ട്‌. നേരത്തെ, ഇന്‍സ്റ്റന്റ് ലോണ്‍ ആപ്ലിക്കേഷനിലേക്ക് ബാങ്ക് ഉപഭോക്താക്കളെ അറിയിച്ചിരുന്നു.

പേപ്പര്‍വര്‍ക്കുകള്‍ ഇല്ലാതെ വെറും രണ്ട് മിനിറ്റിനുള്ളില്‍ നിങ്ങള്‍ക്ക് വായ്പ നല്‍കുമെന്ന് അവകാശപ്പെടുന്ന ഇന്‍സ്റ്റന്റ് ലോണ്‍ അപ്ലിക്കേഷനുകള്‍ ഒഴിവാക്കുക. മിക്കപ്പോഴും ആളുകള്‍ ഈ രീതിയില്‍ വായ്പ എടുക്കുന്നു, പക്ഷേ പിന്നീട് അവര്‍ ഒരു വലിയ പലിശനിരക്ക് നല്‍കേണ്ടിവരും.

യുപിഐ സേവനം നിര്‍ത്താന്‍ ബാങ്ക് ടിപ്പുകള്‍ നല്‍കിയിട്ടുണ്ട്‌. ടോള്‍ ഫ്രീ ഹെല്‍പ്പ് ലൈന്‍ നമ്ബര്‍ 1800111109 എന്ന നമ്ബറില്‍ വിളിച്ച്‌ ഉപയോക്താക്കള്‍ക്ക് യുപിഐ സേവനം നിര്‍ത്താന്‍ കഴിയും. അല്ലെങ്കില്‍ നിങ്ങള്‍ക്ക് ഐവിആര്‍ നമ്ബര്‍ 1800-425-3800 / 1800-11-2211 എന്ന നമ്ബറിലും വിളിക്കാം.

ഇതുകൂടാതെ, https://cms.onlinesbi.sbi.com/cms/ എന്ന വിലാസത്തില്‍ നിങ്ങള്‍ക്ക് പരാതി നല്‍കാം. അവിടെത്തന്നെ 9223008333 എന്ന നമ്ബറിലേക്ക് SMS അയയ്ക്കാം.